Amerikada 18 yoshdan boshlab, ovoz berish huquqiga egasiz. Lekin o'smirlar orasida siyosatga qiziqish katta. Ular allaqachon qaysi partiyaga kirishni yoki qay mafkura ketidan borishini biladi. "Amerika Ovozi" yaqinda ikki shtatda faol qizlar olib borayotgan mashg'ulotlar bilan tanishdi. Bir qarashda ular ahamiyatsiz ko'rinishi mumkin, ammo bu yoshlar partiya tuzish, boshqarish, saylovda qatnashish, mafkuraviy targ'ibot va g'oyalarni amalga oshirish, xalq ishonchini qozonish sirlarini o'rganayotganini ko'rdik.