Amerikada meva-sabzavotni o'z qo'li bilan yetishtiradigan, ust-boshini o'zi tikib-bichadigan, umuman, uy-ro'zg'orni birovning yordamisiz eplaydigan va shuning hisobiga mablag'ni ayashga o'tayotgan oilalar ko'p. Odatda bu jamiyatda har bir ishning o'z ustasi bor. Uyda biror narsa buzilsa, telefon qilib yoki internetda usta yollaysiz. Nimaiki kerak bo'lsa, supermarketdan sotib olasiz. Gulzoringizga qarab, hovlingizni supurib, uyingizni saranjom saqlab, kerak bo'lsa, bozoringizni qilib beradigan odamlar bor. Qo'l mehnati degan narsa millionlab amerikaliklarga butkul begona. Pul bo'lsa, cho'ntakda sho'rva deganlaridek... Lekin iqtisodiy jihatdan qiyin bir zamonda, odamlar unga moslashishga majbur.